Jigar Moradabadi Shayari

Un ka jo farz hai, woh ahl-e-siyasat jaane,
Mera paighaam mohabbat hai, jahan tak pahuche.

—

Tere Jamal ki tasveer khinch doon lekin,
Zabaan mein aankh nahi, aankh mein zabaan nahi.

—

Apna zamana aap banate hain ahl-e-dil,
Hum vo nahi ki jin ko zamana banaya gaya.

—

Itni hijabon par to ye aalam hai husn ka,
Kya haal ho jo dekh len parda utha ke hum.

—

Aa ki tujh bin is tarah ai dost ghabrata hoon main,
Jaise har shay mein kisi shay ki kami paata hoon main.

—